“Normand dördlüyü”nün Minsk danışıqları müsbət sonluqla başa çatıb. Modern.az saytı xarici mətbuata istinadən xəbər verir ki, Vladimir Putin, Pyotr Poroşenko, Angela Merkel və Fransua Olland yekun sənədi razılaşdırıblar.
- Ukrayna Ali Radası 3 gün müddətində Donetsk və Luqansk vilayətlərinin Minsk razılaşması ilə müəyyən olunmuş rayonlarına xüsusi idarəetmə statusu verməklə bağlı qanun layihəsi qəbul etməlidir.
- 5 gün ərzində Ukrayna tərəfi və separatçılar “hək kəs hər kəsə prinsipi ilə bütün əsirləri azad etməlidirlər.
- Ukrayna Donbasın xüsusi statusu qarşılığında 2015-ci ilin sonuna qədər Rusiya ilə sərhəd xəttinə nəzarəti bərpa edəcək.
- Rəsmi Kiyev separatçıların nəzarətində qalan bölgədə bank sistemini bərpa edəcək. Fransa və Almaniya bu məsələdə texniki yardım göstərəcək.
- Rusiyada həbsdə olan ukraynalı pilot Nadejda Savçenko qısa müddətdə azad olunmalıdır
- Atəşkəs rejimi Kiyev vaxtı ilə fevralın 15-də saat 00:00-da qüvvəyə minməlidir.
Modern.az
