Şimali Koreya lideri Kim Çen In öz saç düzümünü və qaşının formasını dəyişib. Modern.az xarici mətbuata isitnadən xəbər verir ki, Çen In yeni görüşündə - arxaya daranmış saçlarla ilk dəfə Şimali Koreya Kommunist Partiyasının çərşənbə axşamı keçirilən iclasında görüntülənib. Liderin görüşündəki dəyişikliklər yarıya qədər qırxılmış qaşlar hesabına daha aşkar hiss olunur.
ABŞ mətbuatı Kim Çen İnın saç düzümünü Hollivud ulduzu Uill Smitin 90-cı illərdəki saç düzümünə bənzədib.
2014-cü ilin martında aydın olmuşdu ki, Şimali Koreya kolleclərinin tələbələri də liderlərinin saç düzümünə uyğun saç saxlamağa məcbur edilirlər. Şimali koreyalı qızlara isə birinci ledi Li Sol Çjunun saç düzümünə uyğunlaşmaq təklif olunmuşdu.
Modern.az
