“İraq Şam İslam Dövləti”nin (İŞİD) yaraqlıları Suriyanın Əl-Hasika əyalətində əsir götürdükləri 15 xristian əsiri edam edib. Modern.az xarici KİV-ə istinadən xəbər verir ki, öldürülən gənclər öz ailələrini qorumaq üçün islamçılarla döyüşürdülər. Əsir götürülənlərin dəqiq sayı ilə bağlı rəqəmlər fərqlidir. Arxiyepiskop Jak Benan İndonun sözlərinə görə, İŞİD-in əlindki xristian əsirlərin sayı 250 nəfərdir. Onların çoxunun yaşlı, qadın və uşaq olduğu bildirilir. Abbat Emanuel Yuohan isə onların sayının 350 olduğunu iddia edir.
Bu həftənin əvvəlində İŞİD yaraqlıları xristianların yaşadıqları kəndlərə hücum edərək evləri və kilsələri yandırıblar, onlarla dinc sakini öldürüblər, girov götürüblər.
Modern.az
