Bu gün Milli Məclisin Sosial Siyasət komitəsinin sədri Hadi Rəcəbli Səbayel rayon 6 nömrəli orta məktəbdə məzunlar üçün hazırlanmış “Son zəng” tədbirində iştirak edib.
Modern.az-ın məlumatına görə, millət vəkili bu toplantıya qatılmasından həddindən artıq məmnun olduğunu bildirirərək, Azərbaycan Respublikasının Prezidenti İlham Əliyevin də vaxtilə bu məktəbin məzunu olduğunu qürurla dilə gətirib. Qeyd edib ki, Prezidentin xüsusi fərqlənmə və əla təhsil göstəriciləri ilə bitirdiyi bu məktəbin böyük ənənələri var və hər bir Azərbaycan vətəndaşına bu təhsil ocağı əzizdir.
Millət vəkili cıxışında bildirib: “Bu gün ölkəmizin bütün guşələrində “Son zəng” səslənir, şagirdlər, müəllimlər, valideyinlər bu günü xüsusi sevinc hissi ilə qeyd edirlər. Ölkəmizin 4500-dən artıq ibtidai, natamam, orta təhsil müəssisəsi bayram əhval-ruhiyyəsindədir.
90557 məzun həyata vəsiqə alır. Ənənəvi olaraq bu “Son zəng” mərasimlərində yeniyetmələr məktəbə vida deyirlər, onların bir qismi təhsilini davam etdirəcək, bir qismi ordu sıralarına hazırlaşacaq, digər qismi isə istehsalata yönələcək. Azərbaycanda hər bir gənc üçün bu sahələrdə fəaliyyət göstərmələri, uğur qazanmaları üçün kifayət qədər imkanlar var. Hər il minlərlə Azərbaycan övladı xarici ölkələrdə təhsil alır, dünyanın tanınmış təhsil müəssisələrində elmi potensiallarını artırır, Vətənimiz üçün yüksək ixtisaslı mütəxəssis kimi yetişirlər. Ölkəmizin ali məktəbləribndə də çoxsaylı xarici tələbələr təhsil alır. Bunun üçün Azərbaycanda da kifayət qədət baza yaradılıb. Biz artıq bir ölkə olaraq dünyaya həyatın bütün sahələrindfə örnək ola bilərik. Bu gün Azərbaycanın ev sahibliyi edəcəyi I Avropa Oyunları buna bariz nümunədir”.
Millət vəkili bugünkü məzunlar sırasında olan, məktəbi olduqca yaxşı təhsil nümunələri ilə bitirən nəvəsi Nihad Əlizadəni də təbrik etməyi unutmayıb, bir baba olaraq ona gələcək təhsilində və fəaliyyətində uğurlar arzulayıb.
Komitə sədri sonda məzularla xatirə şəkili çəkdirib.
Modern.az
