Bakı Dövlət Universitetində (BDU) müvafiq ixtisasların xüsusiyyətlərindən asılı olaraq istehsalat çöl təcrübəsinə start verilib.
BDU-nun ictimaiyyətlə əlaqələr şöbəsindən Modern.az saytına verilən məlumata görə, Universitetin rektoru, akademik Abel Məhərrəmov təcrübəyə gedən tələbələrlə görüşərək, onlara uğurlar arzulayıb.
Sonra universitetin biologiya, ekologiya və torpaqşünaslıq, geologiya, coğrafiya fakültələrinin tələbələri prorektorların və fakültə dekanlarının rəhbərliyi altında təcrübə rəhbərləri ilə birlikdə avtobuslarla universitetin Qubada yerləşən tədris, təcrübə və istirahət mərkəzinə yola salınıblar.
Təcrübə fakültələr üzrə mərhələli şəkildə davam etdiriləcək.
Modern.az
