Tələbə Qəbulu üzrə Dövlət Komissiyası (TQDK) iyunun 2-də Bakı şəhərində yerləşən orta ümumtəhsil müəssisələrinin buraxılış siniflərində təhsil alan şagirdlər üçün mərkəzləşdirilmiş qaydada buraxılış imtahanları keçirib.
Modern.az-ın məlumatına görə, iyunun 2-də eyni zamanda Bakı şəhərində fəaliyyət göstərən məcburi köçkün rayonlarının orta ümumtəhsil müəssisələrinin buraxılış siniflərində təhsil alan şagirdlər də imtahan veriblər.
IX sinif şagirdləri üçün imtahan saat 10-da, XI sinif şagirdləri üçün isə saat 15-də başlanıb.
Bütün imtahan mərkəzlərində imtahan təlimata uyğun keçirilib, şagirdlərin öz bilik və bacarıqlarını nümayiş etdirmələri üçün zəruri şərait yaradılıb.
Qeyd edək ki, iyunun 3-dən etibarən Komissiyada imtahan protokollarının və cavab kartlarının emalına başlanılacaq. TQDK bildidib ki, nəticələr yaxın günlərdə elan olunacaq.
TQDK-nın məlumatına görə, Bakı şəhərinin orta ümumtəhsil müəssisələrinin IX siniflərində təhsil alan 31490,
XI siniflərin isə 24408 şagirdi buraxılış imtahanı verib.
Modern.az
