İyunun 7-nə keçən gecə Çempionlar Liqasında 2014/2015 mövsümünə yekun vurulub.
Modern.az saytı xəbər verir ki, Berlində keçirilən final oyununda İspaniyanın “Barselona” və İtaliyanın “Yuventus” klubları üz-üzə gəlib.
Hesabı 4-cü dəqiqədə İvan Rakitiç açıb və “Barselona” önə keçib. İkinci hissədə - 54-cü dəqiqədə Morata “Yuventus"un bərabərlik qolunu vurub.
68-ci dəqiqədə Suares yenidən “Barselona”nı önə çıxarıb – 2:1.
Türkiyəli baş hakim Cüneyt Çakırın oyuna əlavə etdiyi vaxtda- 97-ci dəqiqədə Neymar “Yuventus"un qapısına 3-cü qolu vurub - 3:1.
