Şanlıurfada səsvermənin gedişində rəqib partiya üzvləri arasında tüfəng, bıçaq, daş və dəyənəklərin istifadə olunduğu davada jurnalistlərin də olmaqla 15 nəfər yaralanıb.
Modern.az-ın Türkiyə KİV-nə istinadən verdiyi xəbərə görə, Mərkəz Eyyübiye rayonuna bağlı Uğurlu ilə Yeniköy məhəlləsində səs vermə keçirilən məktəbləri ziyarətə gələn Xalqların Demokratik Partiyasından (HDP) olan qrup tərəfindən əngəllənib.
Bu səbəbdən yaranan mübahisə qısa müddətdə davaya çevrilib və tərəflər bir-birinə daş, dəyənək, bıçaq və tüfənglərlə hücum edib. Havaya da atəş açılan davaya mane olmağa çalışan jandarmlar yetərsiz qalınca regiona digər qüvvələr çağırılıb.
Baş verənləri lentə alan bir operatorun da döyülərək başından yaralanıb, ona bıçaqla da xəsarət yetirilib. Hadisə zamanı yaralanan 15 nəfər təcili tibbi yardım maşınları və digər avtomobillərlə şəhərdəki xəstəxanalara aparılıb.
Yaşanan gərginliyin davam etməməsi üçün hər iki məhəllədə polis və jandarm zirehli vasitələrlə tədbirlərini artırıb.
Modern.az
