Hakim Ədalət və İnkişaf Partiyasından (AKP) keçmiş millət vəkili və Konstitusiya komissiyasının sədri Burhan Kuzu bu gün keçirilən seçkilərin ilkin nəticələrini qiymətləndirib.
Modern.az saytının Türkiyə KİV-nə istinadən verdiyi xəbərə görə, nəticələrin AKP üçün pis olduğunu qeyd edən Kuzu deyib: “Bu tablonu haqq etməmişik. Millətə xidmətdən başqa bir şey görmədik”,
Kuzu bununla belə, yenə də millətin qərarına hörmətlə yanaşdıqlarını bildirib. O, bu seçkilərdə namizədliyini irəli sürməyib. Türkiyənin uzun müddət koalisiyalarla çalxalanacaq bir prosesə və xaosa girəcəyini bəyan edən Kuzu deyib: “Bu tablodan hökumət qurula bilməz. Koalisiya belə qurula bilməz. Erkən seçki qaçılmaz görünür”.Mövcud nəticələrin parlamentar sistemin zəifliklərini göstərdiyini də deyən Kuzu bildirib: “Parlamentar sistem adlanan üfunətli sistem, bütün dünyanın başına bəladır. Türkiyədə də həmişə tək partiya hökumətləri çalışıb, koalisiyalar bunu bacarmayıblar”.
