Modern.az

İmtahan nəticələri axşam saatlarında elan ediləcək

İmtahan nəticələri axşam saatlarında elan ediləcək

8 İyun 2015, 10:58

Tələbə Qəbulu üzrə Dövlət Komissiyasının (TQDK) 6 iyun tarixində keçirdiyi növbəti imtahanın nəticələri axşam saatlarında elan olunacaq.

Modern.az xəbər verir ki, nəticələr elan olunduqdan sonra imtahanda iştirak etmiş şagirdlər öz nəticələri ilə TQDK-nın internet saytında və ya iş nömrəsini 7727 nömrəsinə göndərməklə tanış ola biləcəklər.  

TQDK-nın mətbuat xidmətinin rəhbəri Elnur Nağızadə bildirib ki, nəticələr 17:00-dan sonra məlum olacaq.  

TQDK iyunun 6-da Sumqayıt, Abşeron, Mingəçevir, Gəncə, Daşkəsən, Şəmkir, Göygöl, Samux, Gədəbəy, Qazax, Ağstafa, Tovuz, Naftalan, Goranboy, Şəki, Zaqatala, Balakən, Qəbələ, Qax və Oğuz şəhərlərində yerləşən orta ümumtəhsil müəssisələrinin buraxılış siniflərində təhsil alan ( IX və XI siniflərdə) şagirdlər üçün mərkəzləşdirilmiş qaydada buraxılış imtahanları keçirib.  

Bu gün eyni zamanda Bakı şəhərinin Səbail və Nərimanov rayonlarında yerləşən və təhsili ingilis dilində olan orta məktəblərin buraxılış siniflərində təhsil alan şagirdlər də imtahan veriblər.  

IX sinif şagirdləri üçün imtahan saat 10-da, XI sinif şagirdləri üçün isə saat 15-də başlanıb. Bütün imtahan mərkəzlərində imtahan təlimata uyğun keçirilib, şagirdlərin öz bilik və bacarıqlarını nümayiş etdirmələri üçün zəruri şərait yaradılıb.  

Aytən ƏLİYEVA  

 
Facebook
Dəqiq xəbəri bizdən alın!
Keçid et
Rusiyadan hücum - Bu dəfə Türkiyəni vurdular