“Yeni Müsavat” qəzeti bugünkü sayında Milli Şuranın Bakıda keçiriləcək I Avropa Oyunlarını boykot etməməsinin səbəbləri haqqında müzakirələrə yol açacaq iddialar irəli sürüb. Məlumata görə, Milli Şuranın sədri Cəmil Həsənli hakimiyyətdəki yaxın ətrafı ilə sövdələşməyə getdiyindən bu təşkilat boykot Avropa Oyunlarının boykot edən çağırış səsləndirməyib:
“Onun hakimiyyətin bir qanadı ilə olan dərin və separat mövqeyi AXCP-nin və Milli Şuranın AYO məsələsində loyal mövqe tutması ilə nəticələnib. AXCP daxilindən verilən məlumatda iddia olunur ki, “qırğı sədr” Əli Kərimli bu məsələdə ona təzyiq edən silahdaşlarına deyib: “Ürəyimizə daş basıb, dözməliyik, boykot çağırışı etməməliyik. Bu qoca ....n istefası ilə hədələyərək, israr etdi, mən də razılaşdım, başqa yolum qalmadı... ”.
Milli Şuranın sədri Cəmil Həsənli haqqındakı ittihamlara münasibət bildirib. O, Modern.az saytına açıqlamasında deyib ki, yazılanlar yalandır:
“Mən əslində “Yeni Müsavat”ın yazdığı hər hansı məsələyə münasibət bildirmirəm. Hətta mənim haqqımda yazsalar belə! Amma bircə onu deyim ki, bu qəzetin yazdığı böhtandan başqa bir şey deyil. Vəssalam!”.
Aqşin Kərimov
