Türkiyədəki parlament seçkilərdə bitərəf namizəd olaraq işturak edən məşhur futbolçu Hakan Şükür yetərli qədər səs toplaya bilməyib. Modern.az Türkiyə mətbuatına istinadən bildirir ki, İstanbuldan namizəd olan keçmiş deputat Hakan Şükür 32,436 səs toplayıb. Şükürün yenidən millət vəkili olması üçün 100 min səs toplaması lazım idi.
Bundan sonra istirahət edib, ailəsi ilə birlikdə vaxt keçirəcəyini deyən H.Şükür Twitter-də fikirlərini belə qeyd edib: “İstanbulda 450 min səsin etibarsız sayıldığı seçki gününün detallarını düşünürəm ki, siyasi tariximiz sətir aralarında qeyd edəcək. Hər hansı bəyanatın ardına sığınmaqdansa, taleyin hökmü ilə barışmaq daha doğrudur”.
Aytən ƏLİYEVA
