Siyavuş Novruzov: “Hakimiyyətə kimin gəlməsindən asılı olmayaraq Azərbaycana münasibət dəyişməyəcək”
“Hansı partiyanın qalib gəlməsindən asılı olmayaraq, bu Türkiyə Azərbaycan münasibətlərinə təsir etməyəcək”. Bunu Modern.az saytına Yeni Azərbaycan Partiyası(YAP) icra katibinin müavini, deputat Siyavuş Novruzov deyib: “Türkiyədə keçirilən seçkini biz qiymətləndirə bilmərik. Onu türk xalqı qiymətləndirir. Xalq kimi məsləhət görürsə, ona da səs verir.
Mən hakim Ədalət və İnkişaf Partiyasının daha çox səs toplayacağını gözləyirdim. Əvvəlki seçkilərdən fərqli olaraq AKP bu dəfə 8-9 faiz az səs topladı. Bu da koalisiya hökumətin yaranmasına gətirib çıxartdı.
Hər bir partiyada olanlar Türkiyə vətəndaşıdır. Biz də bir millət, iki dövlətik. Hansı partiyanın hakimiyyətə gəlməsindən asılı olmayaraq, Azərbaycanla münasibətlər həmişə yüksək xətlə inkişaf edəcək”.
“Koalisiya hökumətin yaranması Dağlıq Qarabağ münaqişəsi ilə bağlı məsələyə fərqli yanaşam ilə nəticələn bilərmi” sualına Siyavuş Novruzov belə cavab verib:
“Bütün partiyalar və türk xalqı həmişə Azərbaycanın ərazi bütövlüyünü dəstəkləyib. Bundan sonra da dəstəkləyəcəklər. Danışılanlar mənasız şeylərdir. Elə şeylər ola bilməz”.
Sevinc YASİNQIZI
