2015/2016 mövsümündə Azərbaycanı UEFA Çempionlar Liqasında təmsil edəcək “Qarabağ” komandasının potensial rəqibləri bəllidir. Modern.az saytı xəbər verir ki, turnirə ikinci mərhələdən başlayacaq Ağdam klubunun qismətinə bu komandalardan biri düşə bilər:
“Sarayevo” (Bosniya)
“Ventspils” (Latviya)
“Dila” (Gürcüstan)
“Trençin” (Slovakiya)
“Jalgiris” (Litva)
“Astana” (Qazaxıstan)
“Milsami” (Moldova)
“Rudar” (Monteneqro)
“Vardar” (Makedoniya)
“Styarnan” (İslandiya)
“Fola” (Lüksemburq)
“Dandolk” (İrlandiya)
“Hibernians” (Malta).
“Qarabağ”ın turnirə birinci mərhələdən başlayacaq komandalarla – “Nyu-Sents” (Uels), “Levadiya” (Estoniya), “Santa Koloma” (Andorra) və digərləri ilə qarşılaşması da mümkündür.
Çempionlar Liqasının ilk iki mərhələsinin püşkü iyunun 22-də atılacaq.
İkinci mərhələni dəf edəcəyi halda “Qarabağ”ın qarşısına növbəti raundda “Bazel” (İsveçrə), “Zalsburq” (Avstriya), “Viktoriya” (Çexiya) kimi rəqiblər çıxa bilər. Bu sıraya turnirə “Qarabağ”la eyni raunddan başlayacaq “Styaua” (Rumıniya), “Seltik” (Şotlandiya), APOEL (Kipr), BATE (Belarus), “Ludoqorets” (Bolqarıstan), “Dinamo” (Xorvatiya), “Maribor” (Sloveniya) kimi komandalar da daxildir.
Yeganə OQTAYQIZI
