Modern.az saytı xəbər verir ki, bu gün Bakıda Avropa Oyunlarının məşəlini yarışların keçiriləcəyi 18 idman obyektindən 9-na aparıblar.
Məşəli bu gün gün öncə BMX Veloparkına aparıblar. Məşəli İntellektual Oyunların qalibi Balaş Qasımov daşıyıb. Sonra məşəli Azərbaycanın sinxron üzgüçülük üzrə milli komandasının üzvü Tatyana Nikitina Bakı Su İdmanı Mərkəzi boyunca aparıb. Məşəli Basketbol Arenasında Azərbaycan idmançısı Elxan Əliyev daşıyıb. Daha sonra məşəl Dağ Velosipedi Parkında Yeni Azərbaycan Partiyasının Gənclər Birliyinin sədri Seymur Orucova verilib. Bu gün məşəl Heydər Əliyev adına İdman Arenası, Milli Gimnastika Arenası, Tofiq Bəhramov adına Respublika Stadionu və Kristal Zalda da alovlanacaq.
