ABŞ prezidenti Barak Obama Almaniyada keçirilən G7 (“Böyük yeddilər”) sammitinin yekununa dair mətbuat konfransında Rusiyanı Ukrayna münaqişəsində üzərinə götürdüyü öhdəliklərə əməl etməyə çağırıb.
Modern.az saytı xarici KİV-ə istinadən xəbər verir ki, Barak Obama G7 ölkələrinin Ukrayanaya dəstək verməkdə vahid mövqe nümayiş etdirirlər.
Ağ Ev başçısının sözlərinə görə Rusiya verdiyi vədə əməl etməsə, ona qarşı sanksiyaları genişləndirmək lazımdır. ABŞ lideri bildirib ki, G7 ölkələri Rusiyaya qarşı təzyiqləri davam etdirməkdə maraqlıdır. O deyib ki, sanksiyalarla bağlı aparılan müzakirələr hələlik texniki xarakter daşıyır.
“Biz siyasi qərarların qəbuluna hazır olmalıyıq”,-deyə bildirib.
Barak Obama xatırladıb ki, Rusiya iqtisadiyyatı beynəlxalq sanksiyalara görə böyük itkilərlə üzləşib.
“Rusiya Ukraynadakı addımlarına görə əziyyət çəkir. Rusiya prezidenti Vladimir Putinin qəbul etdiyi qərarlar Rusiya iqtisadiyyatının vəziyyətini pisləşdirir”.
Modern.az
