“Hesab edirəm ki, Türkiyədə keçirilən parlament seçkilərinin nəticələri Ermənistanla əlaqələrə böyük təsir göstərəcək. Prezident istisna olmaqla partiyaların bu məsələni gündəm gətirəcəklər”.
Modern.az saytının məlumatına görə bunu Ermənistan mətbuatına müsahibəsində İstanbuldakı Qədir Xas Universitetinin rektoru, beynəlxalq əlaqələr üzrə ekspert Mustafa Aydın deyib.
Onun fikrincə, Türkiyədəki siyasi partiyalar Ermənistanla münasibətlərin qurulması ideyasını dəstəkləyir. Politoloqun Türkiyə prezidenti Rəcəb Tayyib Ərdoğanın ölkəsinin Ermənistanıa sərhədləri açmaq üçün Dağlıq Qarabağ münaqişəsinin ədalətli həllini şərt kimi irəli sürməsini də şərh edib:
“Sərhədlərin açılması münaqişənin həlli ilə bağlı deyil. Bu tərəqqi şəraitində daha asan həll ediləcək. Bundan sonra Türkiyə sərhədlərin açılması istiqamətində hansısa addımlar atacaq. Lakin bunun Qarabağ münaqişəsi ilə əlaqəsi yoxdur”.
Aqşin Kərimov
