Milli Məclisin Sosial siyasət komitəsinin sədri Hadi Rəcəbli Lənkəranda bir qrup Qarabağ veteranları və şəhid ailələri ilə görüş keçirib.
Deputatın qərargahından
Moden.az-a bildirilib ki, görüşdə millət vəkili iyunun 12-də Bakıda başlayacaq ilk Avropa Oyunlarından ətraflı, rəqəm və faktlarla söz açıb. Bildirib ki,ölkəmizdə idmanın inkişafına və kütləviliyinə qayğı dünya şöhrətli siyasi xadim Heydər Əliyevin adıyla bağlıdır. Hələ o vaxtlar 1997-ci ildə Neft Şirkətinin vitse-prezidenti olmuş İlham Əliyevin Respublika Olimpiya komitəsinə sədr secilməsi, ölkəmizin dünya olimpiya hərəkatında iştirakına və uğurlarımıza yeni vüsət verib. Deputat qeyd edib ki, Avropa Oyunlarının ölkəmizdə keçirilməsi Azərbaycanın dünyadakı böyük nüfuzunun göstəricisidir.
“Bu, xüsusilə Prezident İlhan Əliyev şəxsiyyətinin və xarizmasının böyüklüyünün təzahürüdür”.
Veteranlar və şəhid ailələri bildiriblər ki, müharibə vəziyyətində olan ölkəmizdə idmanın inkişafı gənclərimizin hərbi vətənpərvərlik ruhlu tərbiyəsində cox böyük rol oynayır. Bu oyunlar bir daha dünyaya bizim sülhsevər, dostqanlı olduğumuzu sübut edir.
“Oyunların başlanmasına hələ xeyli qalmış tam hazırlıq, bu qurumun təşkilat komitəsinin rəhbəri olan Mehriban Əliyevanın yüksək bacarıq, səriştə və zövqünün parlaq nəticəsidir. Qonaqlarımız, dünya idmancıları artıq Bakıdadırlar. Onların şəhərimizi və ölkəmizi ürəkdən sevməsinə biz nail ola bilmışık. Budur uğurlarımızın ilk nəticələri. Yarışlardakı qələbələrimiz hələ öndədir”.
Hadi Rəcəbli həmçinin görüş iştirakçılarının arzu və istəklərini də dinləyib, Prezident İlham Əliyevin həyata keçirdiyi sosial müdafiə yönümlü addımların önəmini qeyd edib və bunun dövlətin daim diqqət mərkəzində olduğunu vurğulayıb.
Yığıncaqda Lənkəran veteranlar birliyinin sədri İlham Qurbanov,veteranlar Rəcəb Baxşiyev,Fizuli Rzaquliyev, Ramiz Məmiyev,Saleh Dadaşov, Xubnaz Allahverdiyeva və başqaları onlara göstərilən qayğıya,yaradılan şəraitə və ölkəmizi dünyada layiqincə təbliğ etdiyinə görə Prezident İlham Əliyevə minnətdarlıqlarını bildirib, Azərbaycanda keçiriləcək I Avropa oyunlarında idmançılarımıza uğurlar diləyiblər.
