İran hakimiyyəti qadınların stadiona tamaşaçı qismində getməsinə icazə verəcək. Modern.az “Associated Press” agentliyinə istinadən xəbər verir ki, adı açıqlanmayan yüksək vəzifəli iranlı məmur iyunun sonlarında Tehranda kişilər arasında keçiriləck voleybol üzrə dünya liqasının oyunlarına məhdud sayda qadın azarkeşlərin də buraxılacağını deyib.
İslam İslam Respublikasında qadınların kişilərin iştirak etdiyi idman yarışlarına getməyə qadağa qoyulması 2014-cü ilin iyununda ikili Brutaniya-İran vətəndaşlığı olan Qönşə Qivaminin həbsi ilə aktuallaşmışdı. Tehranda Beynəlxaq Voleybol Federasiyasının bayrağı altında keçirilən matça gizli daxil olan Qivami həbs olunaraq, “dövlət quruluşuna qarşı təbliğat” maddəsi ilə 1 il müddətinə azadlıqdan məhrum edilmişdi.
2015-ci ilin yanvarında isə dövlət rəsmləri yalnız əcnəbi ölkə vətəndaşları olan qadınların kişilərin iştirak etdiyi yarışlarda tamaşaçı ola biləcəyini açıqlamışdı.
Vüqar İsmayılov
