Bu barədə Modern.az-a bəzi teatrların mətbuat xidmətindən məlumat verilib. Qeyd edək ki, iyunun 12-dən 29-na qədər Avropa Oyunları davam edən müddətdə teatrların əksəriyyəti sıx qrafiklə çıxış edəcəklər. Xarici idmançılara və turistlər üçün nəzərdə tutulan tamaşalar artıq rus və ingilis dillərinə tərcümə edilib. Tamaşa Azərbaycan dilində oynanılsa da səhnənin yuxarı hissəsində qurulan elektron tablo vasitəsilə xarici dillərdə sinxron tərcüməsi əks olunacaq.
Artıq bir neçə teatr xaricilərə göstəriləcək tamaşaların repertuarını hazırlayıb. Gənc Tamaşaçılar Teatrından Modern.az-a verilən məlumata görə ağıdakı tamaşalar rus və ingilis dillərinə tərcümə olunub və Avropa Oyunları müddətində hər gün turistlərə təqdim olunacaq:
M.F.Axundzadə “Müsyö Jordan və dərviş Məstəli şah”, Ə.Haqverdiyev “Pəri Cadu”, H.Cavid “Şeyx Sənan” U.Şekspir “III Riçard”, R.Rza “Ana qaz”, L.Nuren “Mən gəldim, qızlar” (“Müharibə”), U.Şekspir “Romeo və Cülyetta”
Elmin NURİ
