Bu barədə Modern.az-a Müsavat Partiyasının mətbuat xidmətindən məlumat verilib. Məlumata görə, görüşdə Azərbaycanda ictimai-siyasi vəziyyət, Qarabağ probleminin həlli yolları, siyasi məhbuslar, payızda keçirilməsi nəzərdə tutulan Parlament seçkiləri və digər mövzular ətraflı müzakirə edilib.
Amerika-Azərbaycan münasibətlərinin inkişaf perspektivləri barədə də fikir mübadiləsi aparılıb.
Görüşdə ABŞ səfirinin müşaviri Syuzan Çesli, Müsavat Partiyası İcra Aparatının rəhbəri Gülağa Aslanlı və başqan müavini Səxavət Soltanlı iştirak edib.
