Milli Karate Federasiyasının idmançıları hərtərəfli olaraq yarışlara hazırdır. Modern.az saytına açıqlama verən federasiyanın baş katibi Mir-Cabbar Seyidov bildirib ki, yarışlar iyunun 13-ü və 14-ü “Bakı Crystal Hall” da keçiriləck:
“Yarışlar iki gün davam edəcək. İyunun 13-ü səhər saat 10.00 başlayan yarışlar iki hissəyə bölünəcək. Belə ki, ilk olaraq yarışlar səhər saat 10.00-dan günorta 13.00-ə kimi davam edəcək. Yarımfinal və final isə günorta 15.00-dən sonra baş tutacaq.
Ümumilikdə, yarışlarda 12 idmançı ilə təmsil olunuruq.
İyunun 13-də kişilərdən 60 kq çəkidə Firdovsi Fərzəliyev, 67 kq çəkidə Niyazi Əliyev, 75 kq çəkidə Rafael Ağayev; xanımlardan 50 kq çəkidə Nuranə Əliyeva, 55 kq çəkidə İlahə Qasımova, 61 kq çəkidə Fəridə Əbiyeva yarışacaq.
İyunun 14- də kişilərdən 84 kq çəkidə Ayxan Mamayev, 84 kq çəkidən yuxarı Şahin Atamov, Tural Balcanlı; xanımlardan 68 kq çəkidə İrina Zareçka, 88 kq çəkidən yuxarı Aytən Səmədli, Ədilə Qurbanova medallar uğrunda yarışacaq.
İdmançılarımız komandanın baş məşqçisi Rəhman Hətəmovun və Zahid Eyvazovun başçılığı altında 6 ay hazırlıq keçib. Hər bir idmançının əhval-ruhiyyəsi çox yaxşıdır. Psixoloji cəhətdən də hazırdırlar. İnşallah medallar qazanarıq”.
SEVİNC YASİNQIZI
