Bu gün ümumi təhsil müəssisələrində və peşə liseylərində iş yerinin dəyişdirilməsi üzrə elektron ərizəsi qəbul olmuş müəllimlərin test imtahanı keçirilir.
Təhsil Nazirliyindən Modern.az-a verilən məlumata görə, bu gün elektron ərizəsi qəbul olunmuş namizədlər Azərbaycan Dövlət İqtisad Universitetinin 2-ci tədris binasında (ünvan: Bakı şəhəri, Həsən Əliyev küçəsi 135 – metronun “Gənclik” stansiyasının, Azərbaycan Müəllimlər İnstitutunun yaxınlığında) test imtahanında iştirak edirlər.
İmtahanda iştirak edərək ikinci mərhələyə keçmək hüququ qazanacaq müəllimlər üçün 17 iyun 2015-ci il tarixdə eyni ünvanda müsahibələr təşkil ediləcək.Yerdəyişmə üzrə müsabiqə yekunlaşdıqdan sonra yenidən müəyyənləşdirilmiş vakant yerlərə müəllimlərin işə qəbulu üzrə elektron ərizə qəbulu 1-15 iyul 2015-ci il tarixlərində aparılacaq.
Aytən ƏLİYEVA
