Böyük Britaniyada ölkənin keçmiş baş naziri Marqaret Tetçerin əlyazma şəklində olan bir neçə gizli memuarı çap olunub. Modern.az-ın xarici KİV-ə istinadən verdiyi xəbərə görə, bu materiallar arasında SSRİ-nin keçmiş lideri Mixail Qorbaçovla 1985-ci ildə başlayan dostluq barədə də qeydlər var.
“İndiki siyasətdən asılı olmayaraq biz etiraf etməliyik ki, Tetçer böyük tarixi fiqurdur. Onun qeydləri 20-ci əsri araşdıranlar üçün dəyərli material olacaq”, - “dəmir ledi”nin memuarlarının çapına münasibət bildirən İngiltərə bədii şurasının rəhbəri Piter Bazaldjett deyib.
Gizli memuarlar arasında 1982-ci il Folklend müharibəsi haqda qeydlər (bir il sonra yazılıb) də var. Digər qeydlərdə Tetçerin 1985-ci ilin mart ayında SSRİ Kommunist Partiyası Mərkəzi Komitəsinin baş katibi Konstantin Çernenkonun Moskvadakı dəfn mərasimində iştirakı da əks olunub.
Modern.az
