O bildirib ki, bu gün Ermənistan AŞPA tərəfindən təyin olunan bir yox, iki məruzəçinin ölkəyə girişinə icazə vermir.
"Bunlar AŞPA-nın “Azərbaycanın sərhədyanı bölgələrinin sakinlərinin qəsdən sudan məhrum edilməsi üzrə” məruzəçisi Milisa Markoviç və "Dağlıq Qarabağda və Azərbaycanın digər işğal olunmuş ərazilərində zorakılıq hallarının artması" adlı hesabatın hazırlanmasına dair məruzəçi Robert Valterdir.
"Bu məsələyə dair AŞPA-nın Siyasi məsələlər komitəsində Ermənistan tərəfinin "AŞPA-nın Dağlıq Qarabağ üzrə məruzəçilər məsələsi üzərində fikirləşəcək və bunu nəzərdən keçirəcəklər" kimi fikirlərini eşitdik. Bu nə deməkdir? Ermənistanın işğalı nəticəsində azərbaycanlılar qəsdən sudan məhrum edilirlər. Onların suya çıxışı yoxdur. Gəlin Ermənistanın da çıxışının qarşısını alaq.
Bu gün ikinci məruzəçi də işğal olunmuş ərazilərə girə bilmir. Əgər biz harada olmasından asılı olmayaraq, qaçqın və məcburi köçkünlərin iztirablarını yüngülləşdirmək istəyiriksə, bizə birbaşa aidiyyəti olan məsələlərə diqqətlə yanaşmalıyıq. Biz məruzəçilərə vəziyyətə dair obyektiv məlumatlar əldə etmək üçün işğal olunmuş ərazilərə getməsinə kömək etməliyik".
Modern.az
