Yunanıstanda keçirilən referendumda əhalinin beynəlxalq kreditorlarlara “yox” deməsindən sonra Fransa prezidenti Fransua Ollandla Almaniya kansleri Angela Merkel Yelisey sarayında görüşüblər.
Modern.az saytı xarici KİV-ə istinadən xəbər verir ki, görüşdən sonra liderlər keçirdikləri mətbuat konfransında Yunanıstanla bağlı məsələyə aydınlıq gətiriblər.Merkel bildirib ki, Yunanıstandan konkret təkliflər gözləyirlər. Olland isə bəyan edib ki, hazırda Yunanıstana görə Avropa fövqəladə bir vəziyyətdədir. O həmçinin vurğulayıb ki, Yunanıstan üçün danışıqlar qapısı açıqdır.
Qeyd edək ki, iyulun 5-də Yunanıstanda keçirilən referendumda beynəlxalq kreditorların təkliflərinə 61 faizdən yuxarı seçici “yox”deyib.
Modern.az
