Milli Məclisin bu gün keçirilən iclasında gələn ilin dövlət büdcə layihəsinin müzakirəsi millət vəkillərinin fəal iştirakı keçirib. Modern.az xəbər verir ki, millət vəkili Vahid Əhmədov 2011-ci il üçün Neft Fondundan dövlət büdcəsinə 55 faiz transferin nəzərdə tutulmasına etiraz edib. Onun sözlərinə görə, dünyada neftin qiyməti sabit deyil və dəyişkəndir.
“Belə olan halda büdcəni neft transferlərindən asılı salmaq nə dərəcədə düzgündür?”-deyə millət vəkili sual edib. O, qeyd edib ki, vergi sisteminin təkmişlləşdirilməsi hesabına büdcənin daha çox vergilərdən formalaşdırılmasına nail olmaq lazımdır.
Deputat həmçinin qeyd edib regionalrın sosial-iqtisadi inkişafı ilə bağlı dövlət proqramları təsdiqlənib və orada regionlara vəsait ayrılır. Lakin bu vəsait artmır.
“Vəsaitlər hara xərclənir?” deyə o soruşub.
Əhalinin ipoteka ilə bağlı şikayətlərinin artdığını deyən deputat bu haqda büdcədə gələn il üçün nəzərdə tutulan vəsaitin dəyişmədiyini qeyd edib. Belə ki, dövlət büdcəsində ipoteka xərcləri üçün 2010-cu ildə 14 milyon manat ayrılıb və rəqəm gələn il üçün belə saxlanılıb. Kənd təsərrüfatı sahəsində inkişafın olmadığını deyən V. Əhmədov bildirib ki, əhalinin 40 faizinin kənddə yaşadığı bir ölkdə bu sahə prioritet olmalıdır.
Təbii fəlakətlərin aradan qaldırlıması üçün operativ iş aparılmasına müsbət hal olduğunu deyən millət vəkili Kür daşqınları ilə bağlı FHN-in işini yaxşı qiymətləndirib. Bununla yanaşı, deputat olduğu Quba rayonunda da bu fəlakətdən əziyyət çəkən insanların da probleminin həll edilməsini istəyib. Qubada 200 ailənin hələ də çadırlarda yaşadığını deyən deputat bildirib ki, bu vətəndaşlar hazırda icra hakimiyyətinin qabağına toplaşıb problemin həllini gözləyirlər.
Modern.az
