Rusiyanın Xabarovsk vilayəti yaxınlığında “İslam dövləti” terror təşkilatı (İŞİD) üzvləri insanları öz sıralarına cəlb etmək üçün aktiv fəaliyyətlə məşğuldurlar.
Modern.az saytı Rusiya KİV-nə istinadən xəbər verir ki, bu barədə “Birlik” Regional Müsəlmanları Cəmiyyəti İctimai Hərəkatının sədri Həmzə Kuznetsov məlumat verib.
“Hüquq-mühafizə orqanlarında işləyən tanışlarımın məlumatına görə, Xabarovsk ətrafında “İslam dövləti” üzvləri iş aparırlar. Bildirirlər ki, bununla bağlı cinayət işi başlanıb. Onlar, Orta Asiya respublikalarından gələnlərdən şübhələnirlər”,-deyə bildirib.
Həmzə Kuznetsov deyib ki, İŞİD üzvləri işsiz miqrantlara böyük pul - 50 min rubl təklif etməklə onları öz sıralarına qoşmaq istəyirlər.
Aqşin Kərimov
