Parlament seçkilərinə bu dəfə 31 saylı Suraxanı ikinci seçki dairəsindən qatılan millət vəkili Əhəd Abıyevin deputatlığa namizədliyi bi gün qeydə alındı. Bu barədə Modern.az saytına Ə.Abıyevin özü məlumat verib.
31 saylı Suraxanı ikinci seçki dairəsi ictimaiyyətin diqqətlə izlədiyi dairələrdəndir.
Ə.Abıyevin sözlərinə görə, DSK-ya təqdim etdiyi 750 imzaının hamısı düzgün olub.
“Sivil qaydada mübarizə aparacağam. Seçki Məcəlləsinin tələb etdiyi qaydada seçki təşviqatımı quracağam”-deyən Ə.Abıyev qeyd edib ki, dairədəki namizədlərin sayı onu qorxutmur. Özünə rəqib görmədiyini deyən deputat vurğulayıb ki, qələbə qazanacağına əmindir.
“Dairədə sivil qaydalara uyğun mübarizə aparacağam. Burda xeyirlə-şərin mübarizəsi gedəcək”-deyə Ə.Abıyev bildirib.
Qeyd edək ki, 31 saylı Suraxanı seçki dairəsindən AXCP sədri Əli Kərimli rəsmən qeydə alınıb. Bununla yanaşı həmin dairədən 10 –a yaxın namizəd irəli sürülüb.
Modern.az
