Modern.az saytı xəbər verir ki, bu gün Milli Məclisdə Azərbaycan Respublikasının 2011-ci ilin dövlət büdcəsi haqda qanun layihəsinin müzakirəsi başlayıb. Müzakirədə baş nazir Artur Rasizadə və nazirlər də iştirak edir.
Milli Məclisin sədri Oqtay Əsədov büdcə layihəsi barədə məlumat verib. Deyib ki, qanun layihəsi hazırlanarkən neftin dünya bazarındakı qiyməti nəzər alınıb. Spiker layihədə neftin bir barrelinin qiymətinin 60 dollardan götürüldüyünü bildirib.
Oqtay Əsədov deyib ki, 2011-ci ilin dövlət büdcəsi qlobal iqtisadi böhran şəraiti və hazırda müşahidə olunan iqtisadi canlanma meyilləri nəzərə alınaraq tərtib edilib.
Müzakirələr davam edir.
Qeyd edək ki, Azərbaycan Respublikasının 2011-ci ilin dövlət büdcəsi zərfində büdcə gəlirləri 12 061 000,0 min manat, xərcləri 12 748 000,0 min manat (o cümlədən, mərkəzləşdirilmiş gəlirləri 11 613 958,2 min manat, yerli gəlirləri 447 041,8 min manat və mərkəzləşdirilmiş xərcləri 11 440 460,0 min manat, yerli xərcləri 1 307 540,0 min manat) məbləğində nəzərdə tutulub.
Modern.az
