Bu gün Milli Məclisdə 2011-ci ilin büdcə layihəsinin müzakirəsi davam etdirilir. Modern.az-ın məlumatına görə, iclasda hökumət nümayəndələrinin iştirakını nəzərə alan deputatlar bəzi təkliflərlə çıxış ediblər.
Millət vəkili Aydın Mirzəzadə təklif edib ki, elm, təhsil və səhiyyə sahəsində çalışan işçilərin maaşlarının qaldırılması diqqətdə saxlanılmalı və bu istiqamətdə yenidən müvafiq addımlar atılmalıdır.
“Maliyyə naziri Samir Şərifov da iclasda iştirak edir və yaxşı olar ki, məsələ diqqətdə saxlanılsın. Hesab edirəm elm, təhsil, səhiyyə işçilərinin məvaciblərinin qaldırılması çox vacib məsələdir”-deyə A.Mirzəzadə bildirib.
Modern.az
