Parlamentdə davam edən “Azərbaycan Respublikasının 2011-ci ilin dövlət büdcəsi haqqında” qanun layihəsinin müzakirəsi zamanı deputat Musa Quliyev Bakı-Naxçıvan təyyarə reysləri barədə danışaraq sərnişinlərin rahatlığının təmin olunmasının vacibliyini vurğulayıb.
Musa Quliyev deyib ki, Bakı-Naxçıvan reysləri ilə uçuş həyata keçirən təyyarələrin hamısı dəyişdirilməlidir. Onun fikrincə, hazırda bu reys ilə uçuş həyata keçirən təyyarələr sərnişinlərin rahatlığına tam cavab vermir.
Qeyd edək ki, Bakı-Naxçıvan reysləri ilə uçuş həyata keçirən təyyarələr əsasən “TU-124” markalı avialaynerlərdir.
Modern.az
