İngilis tarixçisi Paul Koudounarisin köhnə Katolik kilsələrinin zirzəmilərindən ortaya çıxardığı, cəvahiratlarla bəzədilən skeletləri dünyanı heyrətə qoyub. Modern.az saytı xarici KİV-ə istinadən xəbər verir ki, skeletlərin yaranma tarixi ilə bağlı araşdırma aparılıb. Məlum olub ki, bu skeletlər, ilk xristian şəhidləridir. Skletlərin romalıların katoliklərə qarşı törətdiyi qətliamda öldürülən şəhidlərə məxsus olduğu güman edilir.
Skeletlər qızıl, gümüş, zümrüd kimi dəyərli daşlarla bəzədilib. Hər bir skeleti qiymətli daşlarla bəzəmək 5 ilə qədər zaman alıb. Avropanın müxtəlif kilsələrinin dərinliklərindən çıxarılan bu skeletlərin sahibləri iki dəfə basdırılıb. Bir dəfə öləndən sonra, ikinci dəfə 16-cı əsrdə. İkinci dəfə qəbirləri açaraq skletləri çıxarıblar, bəzdikdən sonra kilsələrdə təkrar dəfn ediblər. Hər kəsin marağına səbəb olan zəngin skeletlərin fotolarını sizlərə təqdim edirik.
