Milli Məclisin iclasında deputat Fuad Muradov Gənclər Fondunun yaradılması ilə bağlı təkliflə çıxış edib. Modern.az-ın məlumatına görə, millət vəkili bildirib ki, ötən iclaslarda bu barədə müzakirə aparılıb və qanun layihsi də hazırlanıb.
“Azərbaycanın iqtisadi inkişafı göz önündədir. Mən xahiş edirəm Gənclər Fondu yaradılsın”-deyə millət vəkili bunu gənclərin sosial-iqtsadi vəziyyətinin yaxşılaşdırılması baxımından ciddi töhfələr verə biləciyini deyib.
Bununla yanaşı Gənclər Təşkilatları Milli Şurasının sədri olan deputat gənclərin ipoteka krediti ilə bağlı problemlərinə diqqət çəkib. Onun sözlərinə görə, ipotekanın ilkin məbləği böyük həcmdə olduğundan cavanlar bunu ödəməkdə çətinlik çəkirlər. Odur ki, ipoteka şərtlərinə yenidən baxılmasını təklif edən deputat təhsillə bağlı təkliflərini də açıqlayıb.
Bu gün Azərbaycanda hər bir müəlimə düşən şagird sayına görə Avropadan geri qaldığımızı deyən F. Muradovun sözlərinə görə təhsildə keyfiyyətə diqqəti artırmaq lazımdır. Deputat eyni zamanda diplomatik işçilərin əmək haqlarının artırılmasını da vacib saydığını deyib.
Modern.az
