Bakı və Sumqayıt arasında açılacaq dəmiryol xətti üzrə gediş haqqı bu marşruta görə hazırkı gediş haqqından ucuz olacaq. Trend-in məlumatına əsasən, bunu jurnalistlərə “Azərbaycan Dəmir Yolları” QSC-nin sədri Cavid Qurbanov deyib.
O bildirib ki, hesablamalara görə, hazırda insanlar Bakıdan Sumqayıta getmək üçün təqribən 1,2 manat sərf edir: “Bakı-Sumqayıt marşrutu üzrə birbaşa sürət qatarı işə düşəndən sonra gediş haqqı daha ucuz olacaq”.
C.Qurbanov qeyd edib ki, ilkin mərhələdə marşrutdan təqribən 20-30 min nəfər istifadə edə biləcək: “Gələcəkdə bu göstəricinin 100 mini ötəcəyi gözlənilir”.
Onun sözlərinə görə, dəmiryolun açılışı sentyabrın 15-dən gec olmayacaq.
Modern.az
