Kanadanın Yeni Şotlandiya əyalətinin şərq sahilində insident baş verib.
Modern.az-ın xarici KİV-ə istinadən verdiyi xəbərə görə, Keyp-Bretonda 16 qara delfin özünü sahilə atıb. Yerli sakinlərin bütün cəhdlərinə baxmayaraq 6 delfini xilas etmək mümkün olmayıb.
Sahilə yaxınlaşan kanadalılar mütəxəssislər gələnə qədər delfinlərin üzərinə su tökərək onları xilas etməyə cəhd göstəriblər. Nəticədə 10 delfinin həyatını xilas etmək mümkün olub və onlar okeana geri qayıdıblar. Altı delfin isə sahildə ölüb.Modern.az
