Pentaqon bu ilin may ayında “İslam dövləti” terror təşkilatının (İŞİD) Suriyada məhv edilən lideri Əbu Sayyafın arvadı Umm Sayyafı İraq hakimiyyətinə təhvil verdiyini açıqlayıb.
Modern.az saytı xarici KİV-ə istinadən xəbər verir ki, Pentaqon Umm Sayyafın hazırda İraqın Kürdüstan Muxtariyyətindəki həbsxanaların birində olıduğunu bildirib.
ABŞ hesab edir ki, öldürülən Əbu Sayyafın arvadınının təhvil verilməsi qanuni, diplomatik, hüquq-mühafizə orqanları tərəfindən atılan qanuni addımdır.
Qeyd edək ki, Əbu Sayyaf Suriyada ABŞ xüsusi təyinatlaları dəstələri tərəfindən zərərsizləşdirilib. Vaşinqtonda isə onun arvadı Umm Sayyafın İŞİD üzvü olduğundan şübhələnirlər. Umm Sayyaf 15 mayda İraqda Amerika hərbçiləri tərəfindən saxlanılıb.
Aqşin Kərimov
