Topaz Premyer Liqasının yeni mövsümünə iki Avropa Liqası təmsilçimiz - "Qəbələ" və “Qarabağ” heç-heçə ilə başladılar.
Modern.az sport7.az-a istinadən xəbər verir ki, 2:2 hesablı bərabərlikli başa çatan gərgin qarşılaşmadan sonra təşkil olunan mətbuat konfransında ev sahibinin baş məşqçisi Roman Qriqorçuk qarşılaşma ilə bağlı fikirlərini səsləndirib: "Bu gün sərgilədikləri oyuna görə yetirmələrimə təşəkkür edirəm. Əsl xarakter nümayiş etdirdilər. Avroliqada keçirdiyimiz oyunlardan sonra bu cür rəqibə qarşı oynamaq asan deyildi. İki cəbhədə mübarizə apardığımızdan və limitı görə heyətdə dəyişiklik etmək məcburiyyətində idik. Antonov məhz bu səbəbdən ehtiyatda qalmışdı.
Qriqorçuk “Qəbələ”nin əsas komandasından kənarlaşdırılmış Cavid Hüseynovla bağlı sualı cavabsız qoyub.
Modern.az
