“Əvvəlki metro kartlarının geri qaytarılması (girov dəyərinin geri alınması məqsədilə) və satışı avqustun 15-də saat 24:00-dan etibarən dayandırılacaq”.
Bu haqda Modern.az saytına Bakı Metrosu Qapalı Səhmdar Cəmiyyətinin mətbuat xidmətinin rəhbəri Nəsimi Paşayev məlumat verib.O qeyd edib ki, avqust ayının 31-nə kimi metro kartlarının girov dəyərinin həmin karta yüklənməsi, eləcə də yeni gediş haqqı yüklənməsi əməliyyatları davam edəcək:
“Sentyabrın 1-dən 30-na qədər əvvəlki metro kartlarından, sadəcə balansında olan gediş haqqından istifadə etmək mümkündür. Yəni gediş haqqı yüklənməyəcək, depozit dəyəri geri qaytarılmayacaq. Metro kartının depozit dəyəri və balansı isə sentyabrın 30-na qədər yeni alınan Bakıkarta transfer edilə bilər”.
Gülşən RAUFQIZI
