Modern.az xəbər verir ki, Azərbaycan-Rusiya sərhədində "Samur" gömrük buraxılış məntəqəsində avtomobillərin Rusiya ərazisinə daxil olması ilə bağlı günortadan yaranan problem aradan qalxmaq üzrədir. Ərazidə olan mənbənin Modern.az-a verdiyi məlumata görə, avtomobillərin tıxacı tam aradan qalxmasa da, sərhəddən buraxılış başlayıb.
Xatırladaq ki, sərhədin Rusiya hissəsindəki Yaraq-Qazmalar gömrük buraxılış məntəqəsinin kompüter şəbəkəsində texniki problemlər nəticəsində avtomobillərin buraxılması dayandırılmışdı. Nəticədə Samur çayı üzərində yerləşən körpünün neytral hissəsində xeyli avtomobil yığılıb və tıxac yaranıb. Bu isə əhalinin gediş-gəlişində ciddi çətinliklərə səbəb olub.Modern.az
