Avqust ayının 29-da Qəbələ rayonunda “Qafqaz Karvansaray” oteldə Beynəlxalq III Qəbələ Mürəbbə Festivalı keçiriləcək.
Modern.az xəbər verir ki, tədbirdə YUNESKO-nun Dünya Xalq Yaradıcılığı Təşkilatının prezidenti xanım Karmen De Padilla iştirak edəcək.Məlumat üçün bildirək ki, Qəbələdə keçiriləcək Beynəlxalq III Qəbələ Mürəbbə Festivalında xarici ölkələrin kulinarları və Azərbaycanın bölgələri, sənaye üsulu ilə mürəbbə istehsal edən müəssisələr iştirak edəcək və hər iştirakçı 8 növ mürəbbə gətirəcək.
Festivalda bölgələr üzrə ayrılmış yerlərdə hər bir bölgə və xarici iştirakçı üçün xarakterik olan mürrəbə məhsullarının, əl işlərinin sərgisi təşkil olunacaq.
Qeyd edək ki, festival Dünya Kulinariya Təşkilatları Birliyi və Dünya Xalq Yaradıcılığı Təşkilatının eqidası altında keçirilir.
Modern.az
