Modern.az xəbər verir ki, bu gün öz evində qəflətən infarktdan dünyasını dəyiçən Daxili İşlər Nazirliyinin Daxili Təhqiqatlar İdarəsinin rəisi, polis general-mayoru Rasim Musayevin meyiti yuyulmaq Göy məscidə aparılıb. Daha sonra öz evinə aparılb. Mərhum sabah dəfn olunacaq. Ancaq onun hansı qəbiristanlıqda dəfn olunacağı hələ məlum deyil.
Modern.az saytının əldə etdiyi məlumata görə, Daxili İşlər naziri Ramil Usubov hazırda Azərbaycanda deyil. Onun sabah general Rasim Musayevin dəfnində içtirak edəcəyi söylənilir. Məlumatı saytımıza mərhumun yaxınları verib.Qeyd edək ki, Musayev Rasim İslam oğlu Azərbaycanda tanınmış generallardan olub. O, Binəqədi Rayon Polis İdarəsi rəisinin birinci müavini, Daxili İşlər Nazirliyi İctimai Təhlükəsizlik İdarəsinin şöbə rəisi, Sabunçu Rayon Polis İdarəsinin 15-ci Polis bölməsinin rəisi, 2005-2007-ci illərdə Cəlilabad Rayon Polis şöbəsinin rəisi, 2007-2013-cü illərdə isə Gəncə Şəhər Polis İdarəsinin (2011-ci ildə Gəncə şəhər Polis İdarəsi Baş Polis İdarəsinə çevrilib) rəisi vəzifələrində çalışıb. 2011-ci ildə Azərbaycan Respublikasının Prezidenti İlham Əliyevin sərəncamı iləona polis general-mayoru ali xüsusi rütbəsi verilib. Rasim Musayev xahişi nəzərə alınaraq 2013-cü il yanvarın 21-də Daxili İşlər nazirinin əmri ilə Gəncə Şəhər Baş Polis İdarəsinin rəisi vəzifəsindən azad edilib. 2013-cü ilin fevral ayının 2-də Daxili İşlər Nazirliyinin Daxili Təhqiqatlar İdarəsinin rəisi təyin edilib.
Allah rəhmət eləsin!
Modern.az
