Avropa Birliyi son 50 ilin ən kəskin miqrant axını ilə üzləşib. Hər il Aralıq dənizi və Balkan yarımadası vasitəsilə hərəkət edən yüz minlərlə insan Avropa Birliyinin ərazisində sığınacaq almağa çalışır. Son 2 gündə Almaniya Macarıstanda toplaşan 20 min miqrantı humanitar məqsədlərlə öz ərazisinə buraxıb.
Fransa prezidenti Fransua Olland ölkəsinin yaxın 2 ildə 24 min, Britaniyanın baş naziri Devid Kemeron isə 2016-cı ildə ölkəsinin 15 min miqrantı qəbul edəcəyini açıqlayıb. Amma bu tədbirlər belə problemin ağırlığını azaltmağa kifayət etmir.
Modern.az saytı xarici KİV-ə istinadla Avropaya miqrant axınının miqyasını açıq şəkildə sərgiləyən statistikanı təqdim edir.
Dəniz yolu ilə Avropaya gələn qaçqınlar və qanunsuz mühacirlərin sayı:
2010 – 9 700 nəfər
2011 – 70 000 nəfər
2012 – 22 500 nəfər
2013 – 60 000 nəfər
2014 – 219 000 nəfər
2015 – 239 200 nəfər
2015-ci ilin avqust ayıana qədər Avropaya su yolu ilə gələn 239 min 248 miqrantın vətəndaşlıq mənsubiyyəti :
Suriya - 81 979 (34 faiz)
Əfqanıstan - 32 581 (12 faiz)
Eritreya - 23 878 (12 faiz)
Somali - 9 964 (5 faiz)
Nigeriya - 9 766 (5 faiz)
Dəniz yolu ilə miqrantların gəldiyi Avropa Birliyi ölkələri :
İtaliya - 102 000 nəfər
Yunanıstan - 134 988 nəfər
İspaniya - 2166 nəfər
Malta - 94 nəfər
2015-ci ildə Aralıq dənizini üzüb keçərkən batan qanunsuz miqrantların aylar üzrə ölüm sayı :
Yanvar – 77 nəfər İyun – 10 nəfər
Fevral – 359 nəfər İyul – 130 nəfər
Mart – 69 nəfər Avqust – 368 nəfər
Aprel – 1265 nəfər
May – 95 nəfər
Ümumi – 2373 nəfər
Vüqar İsmayılov
