Ötən ildən Azərbaycan Milli Elmlər Akademiyası (AMEA) Rəyasət Heyətinin qərarı ilə akademiyada magistratura təhsilinin təşkili istiqamətində kompleks tədbirlər görülüb. Bu ilin fevral ayında isə AMEA-da ilk dəfə magistratura pilləsinə qəbul elan olunub, 7 ixtisas üzrə ümumilikdə 19 nəfər magistraturaya daxil olub.
Modern.az AMEA-nın ictimaiyyətlə əlaqələr şöbəsinə istinadən xəbər verir ki, bu gün akademiyanın magistratura pilləsinə daxil olan tələbələr ilk dərs gününə gəliblər. Akademiyanın prezidenti Akif Əlizadə magistraturada təhsil alacaq gənclərə tələbə biletləri və fərdi kompüterlər təqdim edib.
Elmin NURİ
