Avropa Liqasının qrup mərhələsində ikinci oyununa çıxan Ağdamın "Qarabağ" klubu Azərbaycan futbolsevərlərinə xoş anlar yaşadıb. Qurban Qurbanovun komandası Bakıda Belçikanın “Anderlext” klubunu qəbul edib.
Modern.az-ın məlumatına görə, ilk turda səfərdə “Tottenhem”ə uduzan komandamız doğma meydanda, 33 qat Belçika çempionu ilə oyunda ilk xalını qazanmağa çalışdı və artığına da nail oldu.
Oyunun 36-cı dədqiqəsində Riçard Almeydanın mükəmməl zərbəsi ilə hesabda önə keçən "Qarabağ" klubu gözəl çıxışla 1:0 hesablı qələbəni sonadək qoruyub saxlaya bildi.
Beləliklə, "Qarabağ" klubu Avroliqanın qrup mərhələsində ilk üç xalını qazandı.
