Rusiyanın güc strukturları 1990-cı illərin ortalarında Stavropol diyarının Budyonovsk şəhərinə hücum edən Şamil Basayevin quldur dəstəsinin üzvünü saxlayıblar. Modern.az Rusiya mediasına istinadən bildirir ki, oktyabrın 5-də Moskva vilayətinin İstrinski rayonunda Federal Təhlükəsizlik Xidmətinin (FTX) əməkdaşları 1972-ci il təvəllüdlü B.Daudovu tutublar.
FTX-nın versiyasına görə, saxlanılan 1995-ci ildə Budyonovska hücumun iştirakçılarından biridir.
1995-ci il iyunun 14-də Şamil Basayevin rəhbərlik etdiyi ən azı 160 nəfərlik hərbi qruplaşma terror aktı törədərək şəhərdə insanları girov götürüblər. Nəticədə 129 vətəndaş öldürülüb, 317 nəfər yaralanıb, 1586 nəfər girov götürülüb.
Modern.az
