1 noyabr 2015-ci il tarixdə Azərbaycan Respublikasının Milli Məclisinə keçiriləcək seçkilərdə 8 saylı Binəqədi Birinci Seçki Dairəsindən namizədliyi qeydə alınmış Quliyev Azay Əjdər oğlunun Seçki Qərargahı bu gündən aktiv fəaliyyətə başlayıb.
Təbliğat-təşviqat kampaniyasına peşəkar komanda ilə start verən Seçki Qərargahında cəmiyyətimizdə tanınan nüfuzlu ictimai xadimlər, ziyalılar və könüllülər birləşib.
Seçki Qərargahının Mətbuat Xidmətindən Modern.az-a bildirilib ki, Umud Rəhimoğlu, Vaqif Mustafayev, Sevda Tahirli , Əvəz Həsənov, Həmid Mehdiyev, Firudin Məmmədov və Elvin Aslanov Azay Quliyevin vəkilləridir. Mərkəzi Seçki Qərargahının rəhbəri Asif Əsgərli, mətbuat xidmətinin rəhbəri Aqil Camaldır.
Təbliğat-təşviqat kampaniyası dövründə Azay Quliyevin seçicilərlə seçki dairəsinin bütün ərazisini əhatə edən müxtəlif formatlı görüşlərinin keçirilməsi nəzərdə tutulub. Qeyd edək ki, dairə ərazisində deputatlığa namizədin dörd Seçki Qərargahı fəaliyyət göstərir. Qərargahlarda təbliğat-təşviqat kampaniyasının yüksək səviyyədə aparılması, həmçinin, seçicilərin səlahiyyətli şəxslərlə, vəkillərlə fərdi və qrup halında görüşmələri üçün hər cür şərait yaradılıb.
Seçki qərargahlarının ünvanları:
8-ci mikrorayonda
S.S.Axundov küç. 50
Tel: (050 211 52 74)
(012) 561 21 79, 561 35 29, 561-14 57
Naxçıvani məhəlləsində
Səttar Bəhlulzadə küç. 103 (3 saylı məktəbin yanı)
Tel: (055) 995 95 01
(012) 561 59 39
7-ci mikrorayonda
Abay Kunanbayev küç. 7A
Tel: (050) 323 55 23
(012) 563 04 87
6-cı mikrorayonda
S.Məmmədova küç. 203E
Tel: (050) 327 21 29
