Dağıstanın Mahaçkala şəhərində Taekvondo növü üzrə ümumrusiya açıq çempionatı keçirilib. Yarışlarda ölkəmizi “Fateh”, “Fərəh”, “Sumqayıt”, “Qəbələ”, “Zenit” və “Fərasət” idman klubları təmsil edib. 5 ölkənin 500-ə yaxın idmançısının qatıldığı və olduqca gərgin mübarizə şəraitində keçən yarışlarda idmançılarımız ümumən 7 qızıl, 5 gümüş və 15 bürünc medal qazanıblar. Yarışlarda iştirak edən «Fateh» İdman Klubunun rəhbəri Elməddin Vəliyevin verdiyi məlumata görə, rəhbərlik etdiyi klub yarışda 9 idmançı ilə təmsil olunub və fatehçilər ölkəmizə 1 qızıl 1 gümüş və 4 bürünc olmaqla 6 medal qazandırıblar. Klubun rəhbəri qazanılmış qalibiyyətdən məmnun olduğunu və idmançılarımızın belə nəticə göstərməsinin ev sahibləri üçün gözlənilməz olduğunu qeyd edib.
Modern.az
