“Azəyolservis” Açıq Səhmdar Cəmiyyətinin mətbuat katibi Anar Nəcəfli sahibkarların yol təsərrüfatına vurduğu ziyanlara münasibət bildirib. Mətbuat katibinin Modern.az saytına verdiyi məlumata görə yol təsərrüfatına ziyan təkcə yol nəqliyyat hadisələri zamanı dəymir:
“Təəssüflər olsun ki, bəzi vətəndaşlar öz şəxsi mənafelərini hər şeydən üstün tuturlar. Bu zaman yol təsərrüfatına dəyən maddi ziyanı bir kənara qoyaq. Bu cür insanlar və bəziləri hər şeyə “mənim deyil” fikri ilə yanaşırlar. Əsas problemi də məhz “mənim deyil, nə olursa olsun” fikrindədir”.
A.Nəcəflinin təqdim etdiyi fotolardan aydın olur ki, avtomobilyuma məntəqəsinə və tikinti materialları satılan mağazalara giriş-çıxışı daha da "asanlaşdırmaq" və ya genişləndirmək üçün obyekt sahibləri səki daşlarını bax belə dağıdırlar...
Gülşən RAUFQIZI
