Türkiyə prezidenti Rəcəb Tayyip Ərdoğan İstanbulda baş verən partlayışı Suriyadan gələn terrorçunun törətdiyini deyib.
Modern.az Türkiyə KİV-nə isitnadən xəbər verir ki, o, Türkiyənin regionda terror üçün 1 nömrəli hədəf olduğunu da əlavə edib.“İstanbuldakı partlayışı Suriyadan gələn terrorçu törədib. Bu gün Türkiyə regiondakı terror qruplaşmaları üçün 1 nömrəli hədəf halına gəlib”.
Ərdoğan partlayışda həlak olanlar arasında əcnəbi ölkə vətəndaşlarının olduğunu təsdiqləyib. O bütün terror qruplaşmaları ilə eyni səylə mübarizə apardıqlarını da sözlərinə əlavə edib.
İstanbulun Sultanəhməd məscidinin yanında törədilən partlayış zamanı 10 nəfər həlak olub, 15 nəfər isə xəsarət alıb.
Vüqar İsmayılov
